jab milte hain naye dost,
banti hai ek kitaab,
har panne par likhe hote hain,
jaane kitne jazbaat,
raftar waqt ki tham jaati hai,
bas panne judte jaate hain,
kabhi aansoo,kabhi khushi,
achanak khamoshi aur phir wo be-fikra hasi.
apne lamhe ek ho jaate hain,
sapne bhi jud se jaate hain,
har panne ki har pankti mein,
hum rishte naye banate hain,
aur fir syaahi kamne lagti hai,
aur likh paate hain hum bas ye geet hijar ka,
haafiz khuda
ki ae dost baar baar mere alvidaa!!
